កាលពីថ្ងៃទី០៣ ខែតុលា ឆ្នាំ២០២០ ម្សិលមិញនេះ សាលារាជធានីបានចេញសេចក្តីជូនដំណឹង ស្តីពី ការធ្វើកូដ កម្មរបស់ក្រុមហ៊ុន ស៊ិន ទ្រី ដោយបានធ្វើការអំពាវនាវដល់កម្មកររបស់ក្រុមហ៊ុនស៊ីនទ្រី ឱ្យបញ្ឈប់ការធ្វើកូដ កម្ម តាមរយៈយកបញ្ហាសំរាមជាចំណាប់ខ្មាំង ដើម្បីទាមទារលក្ខខណ្ឌដែលខុសច្បាប់ ហើយត្រូវចូលបំពេញការ ងារផ្តល់សេវាប្រមូល និងដឹកជញ្ជូនសំរាម តាមធម្មតាវិញយ៉ាងយូរបំផុតនៅថ្ងៃច័ន្ទ ទី៥ ខែតុលា ឆ្នាំ២០២០ ជាកំហិត។

នៅក្នុងខ្លឹមសារនោះ បានបញ្ជាក់ផងដែរថា ដោយយោងតាមច្បាប់ស្តីពីការងារ និងលិខិតបទដ្ឋានគតិយុត្ត ជា ធរមាន ការទាមទាខាងលើនេះ គឺលុះត្រាតែក្រុមហ៊ុនបានបញ្ចប់ការងារពួកគាត់ ប៉ុន្តែជាក់ស្តែងក្រុមហ៊ុនពុំបាន បញ្ចប់ការងាររបស់ពួកគាត់ទេ ក្រុមហ៊ុនកំពុងតែដំណើរការធម្មតា ដូច្នោះការទាមទារបស់ក្រុមហ៊ុន ស៊ិន ទ្រី
នេះ មិនស្របតាមច្បាប់ស្តីពីការងារ និងលិខិតបទដ្ឋានគតិយុត្តិទេ ។

គួររំលឹកថា រដ្ឋបាលរាជធានីភ្នំពេញអំពាវនាវកម្មករក្រុមហ៊ុនស៊ុនទ្រីបញ្ឈប់ធ្វើកូដកម្មដោយយកបញ្ហាសំរាមជាចំណាប់ខ្មាំង
បើមិនដូច្នេះទេ រដ្ឋបាលរាជធានីភ្នំពេញ នឹងប្រកាសជ្រើសរើសកម្មករថ្មី ដើម្បីបំពេញការងារផ្តល់សេវាប្រមូល និងដឹកជញ្ជូនសំរាម ដោយមិនទទួលយកកម្មកររបស់ក្រុមហ៊ុនស៊ីនទ្រីឡើយ។ នេះបើយោងតាមសេចក្តីជូនដំណឹងរបស់រដ្ឋបាលរាជធានីភ្នំពេញ ។

សេចក្ដីជូនដំណឹងនោះក៏បានបញ្ជាក់ផងដែរថា រដ្ឋបាលរាជធានីភ្នំពេញ សូមអំពាវនាវឱ្យប្រជាពលរដ្ឋ មេត្តាវេចខ្ចប់ ទុកដាក់ និងបញ្ចេញសំរាមរបស់ខ្លួនឱ្យបានត្រឹមត្រូវតាមពេលវេលាដែលបានកំណត់។ ដើម្បីបញ្ចៀសការ កកស្ទះសំរាម សំណល់រឹងនៅរាជធានីភ្នំពេញ រដ្ឋបាលរាជធានីភ្នំពេញ បាននិងកំពុងចាត់វិធានការដោយប្រើ ប្រាស់រថយន្តដឹកសំរាមរបស់រដ្ឋបាលរាជធានីភ្នំពេញ និងឱ្យអាជ្ញាធរខណ្ឌទាំង១៤បញ្ចេញម៉ូតូកង់បីដឹកសំរាម និងកម្លាំងដើម្បីប្រមូលសំរាមនៅតាមមូលដ្ឋានខណ្ឌរៀងៗខ្លួន។

យ៉ាងណាមិញ ខាងកម្មករប្រមូលសំរាមរបស់ក្រុមហ៊ុន ស៊ិន ទ្រី គេបានឃើញរាប់ចាប់តាំងពីល្ងាចថ្ងៃទី២ ខែ តុលា ឆ្នាំ២០២០ រហូតមកដល់ពេលនេះ កម្មករប្រមូលសំរាមរបស់ក្រុមហ៊ុន ស៊ីនទ្រី បាននឹងកំពុងធ្វើកូដកម្ម ដោយមិនចេញប្រមូលសំរាម ដែលធ្វើឱ្យមានសំរាមកកស្ទះនៅតាមដងផ្លូវនានាជាច្រើនក្នុងរាជធានីភ្នំពេញ។

គួរបញ្ជាក់ថា កម្មវត្ថុ នៃការធ្វើកូដកម្មនេះ កម្មករបានទាមទារឱ្យក្រុមហ៊ុន ស៊ីនទ្រី ដោះស្រាយនូវ ប្រាក់បំណាច់អតីតភាពការងារ, ប្រាក់សំណងជំងឺចិត្ត, ប្រាក់ជួសការជូនដំណឹងមុន, ប្រាក់ខែចុងក្រោយ និងការឈប់សម្រាកប្រចាំឆ្នាំដែលនៅសេសសល់៕