ក្លាយជារឿងមិនអស់ចិត្តពីសំណាក់ប្រជាពលរដ្ឋក្នុងស្រុកកែវសីម៉ា ខណៈដែលដីត្រពាំងមួយកន្លែងដែលជា សម្បត្តិរបស់រដ្ឋសោះ បែរជាមានក្រុមជនខិលខូចអាចលួចឈូសឆាយ និងសង់លំនៅដ្ឋានយកជាកម្មសិទ្ធបាន យ៉ាងរលូន ចំណែកឯអស់លោកអាជ្ញាធរមូលដ្ឋាន ហាក់បីដូចជាសោះអង្គើយពុំសូវអើពើ និង រវីរវល់អ្វីសោះ ដោយគេមិនដឹងថា មកពីអស់លោកអាជ្ញាធរលោកខ្លាចគេ ឬក៏មកពីក្រុមជនខិលខូចទាំងអស់នោះ ពួកគេមាន បារមីខ្លាំងបែបណានោះឡើយ ។

ប្រភពរាយការណ៌ស្នើសុំពីប្រជាពលរដ្ឋបានប្រាប់ឲ្យដឹងថា ទីតាំងដីត្រពាំងមួយកន្លែងមានទីតាំងស្ថិតនៅចំណុច ឡាប៉ាខេ ក្នុងភូមិអូរអាម ស្រុកកែវសីម៉ា ខេត្តមណ្ឌលគិរី ដែលកន្លងមកប្រជាពលរដ្ឋទាំងអស់តែងតែធ្វើការ នេ សាទត្រី នារដូវវស្សាជាប្រចាំផងនោះ ស្រាប់តែនោះពេលនេះ គឺត្រូវបានមានក្រុមជនខិលខូចមួយចំនួន បាននាំ គ្រឿងចក្រទៅឈូសឆាយ និងភ្ជួរបម្រុងដាំដំណាំ ក្នុងគោលបំណងរំលោភយកជាកម្មសិទ្ធិរបស់ខ្លួនយ៉ាងរលូន ដោយឡែកអស់លោកអាជ្ញាធរសមត្ថកិច្ចមូលដ្ឋាន គឺហាក់បីដូចជាសោះអង្គើយ ពុំអើពរវីរវល់អ្វីសោះតែម្តង ។

ទាក់ទិនទៅនឹងប្រភពស្នើសុំពីបងប្អូនប្រជាពលរដ្ឋទាំងអស់នោះផងដែរ លោកមេភូមិអូរអាម បានប្រាប់ដល់ ភ្នាក់ងារព័ត៌មានយើងឲ្យដឹងថា ទីតាំងដីនេះ គឺជាសម្បត្តិរបស់រដ្ឋ ហើយជាក់ស្តែងការឈូសឆាយទាំងអស់នោះ គឺក្រុមជនខិលខូច ពួកគេលួចធ្វើសកម្មភាពតែប៉ុណ្ណោះ ។

ទាក់ទិនទៅនឹងការលើកឡើងរបស់លោកមេភូមិនេះ ប្រជាពលរដ្ឋជាច្រើនសំណូមពរដល់អាជ្ញាធរថ្នាក់ដឹកនាំ ស្រុក ខេត្ត សូមមេត្តាជួយមានចំណាត់ការប្រើច្បាប់ ដែលកន្លងមកច្បាប់ទាំងអស់នោះតែងសង្ងំនៅក្នុងសៀវ ភៅ សូមច្បាប់ទាំងនោះ មានប្រយោជន៌សងម្រាប់សង្គមខ្លះផង គឺធ្វើយ៉ាងណាជួយឲ្យជនខិលខូចនោះ កាយដីចេញពី ត្រពាំងរបស់រដ្ឋវិញផង ព្រោះបើពុំដូច្នោះនោះទេ មនុស្សខិលខូចអាចនឹងយកគំរូតាមៗគ្នា ដីត្រពាំង បឹងបួរ អូរ និងដីចំណីផ្លូវនានា អាចនឹងត្រូវបាត់បង់ជាបន្តមិនខាន ប្រសិនបើអស់លោកអាជ្ញាធរមិនរវីរវល់ ទៅនឹងទីតាំងដី ត្រពាំង មួយនេះទេនោះ ៕