នៅព្រឹកថ្ងៃទី០២ ខែតុលា ឆ្នា២០២២ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងប្រ ធានសមាគមអតីតយុទ្ធជនកម្ពុជា ខេត្តកំពង់ធំ បានដឹកនាំក្រុមយេនឌ័រ ជាយោធិននារីនៃបញ្ជាការដ្ឋានតំបន់ ប្រតិបត្តិការសឹករងកំពង់ធំ ទៅសំណេះសំណាលសាកសួរសុខទុក្ខក្រុមគ្រួសារអតីតយុទ្ធជន ដែលមានជីវភាព លំបាកខ្វះខាត កំពុងរស់នៅ កសាងជីវភាពថ្មីនៅលើដីសម្បទានសង្គមកិច្ចស្ថិតនៅភូមិដងក្តារ ឃុំក្រយា ស្រុក សន្ទុក ខេត្តកំពង់ធំ។

ឧត្តមសេនីយ៍ទោ សោម ស៊ុន បានពាំនាំនូវការផ្ដាំផ្ញើសាកសួរសុខទុក្ខពីសំណាក់ សម្ដេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រីនៃ ព្រះរាជាណាចក្រកម្ពុជា ប្រធានសមាគមអតីតយុទ្ធជនកម្ពុជា និងសម្ដេច កិត្តិព្រឹទ្ធបណ្ឌិត ប៊ុន រ៉ានីហ៊ុនសែន ដែលជានិច្ចកាលសម្ដេច ទាំងទ្វេតែងតែយកចិត្តទុកដាក់គិតគូរខ្ពស់ពីសុខទុក្ខ និងជីវភាពរស់នៅរបស់បងប្អូនអតីតយុទ្ធជននៅគ្រប់ពេលវេលានិងគ្រប់នៅគ្រប់ទីកន្លែង។

ឧត្តមសេនីយ៍ទោ សោម ស៊ុន បានបញ្ជាក់ថា អតីតយុទ្ធជន ដែលកំពុងរស់នៅលើដីសម្បទានសង្គមកិច្ចនៅទីនេះ មានចំនួន១៤១គ្រួសារ អស់រយៈពេលជាងពីរឆ្នាំកន្លងមកហើយ ដោយក្នុងមួយគ្រួសារទទួលបានផ្ទះមួយខ្នងមាន ទំហំ ៧ម៉ែត្រ គុណនឹង ៥ម៉ែត្រ និងដីសម្បទានសង្គមកិច្ចចំនួន១៥.០០០ ម៉ែត្រការ៉េ ក្នុងមួយគ្រួសារ មានហេដ្ឋា រចនាសម្ព័ន្ធផ្លូវលំក្នុងភូមិប្រវែង១២គីឡូម៉ែត្រ មានអណ្ដូងទឹកស្អាតសម្រាប់ប្រើប្រាស់ ដែលជាអំណោយដ៏ថ្លៃថ្លា របស់សម្តេចតេជោហ៊ុន សែន និងសម្តេចកិត្តិព្រឹទ្ឋបណ្ឌិតប៊ុនរ៉ានីហ៊ុនសែន ។

នៅក្នុងឱកាសសំណេះសំណាលសាកសួរសុខទុក្ខនៅពេលនេះឧត្តមសេនីយ៍ទោ សោម ស៊ុន និងក្រុមការងារ យេនឌ័រនៃបញ្ជាការដ្ឋានតំបន់ប្រតិបត្តិការសឹករងកំពង់ធំ បាននាំយកនូវអំណោយរបស់ឧត្តមសេនីយ៍ឯក ហ៊ុន ម៉ាណែត មេបញ្ជាការកងទ័ពជើងគោក និងលោកជំទាវ ពេជ ចន្ទមុន្នីឧបត្ថម្ភជូនក្រុមគ្រួសារអតីតយុទ្ធជន ដែល មានជីវភាពខ្វះខាតចំនួន១២គ្រួសារ ដោយក្នុងមួយគ្រួសារទទួលបាននូវអង្ករ២៥ គីឡូក្រាម .មីចំនួន១កេស .ត្រីខកំប៉ុងចំនួន១យួរ និងថវិកាមួយចំនួន ដោយឡែកក្រុមគ្រួសារអតីតយុទ្ធជនដែលបានចូលរួមក្នុងពិធីសំណេះ សំណាលនេះ ក៏បានទទួលថវិកាមួយចំនួនផងដែរ ៕