កាលពីព្រឹកម៉ោង ៨ និង៣០ នាទី ថ្ងៃទី ២១ ខែធ្នូ ឆ្នាំ ២០២២នេះ កម្លាំងមន្ត្រីជំនាញចម្រុះ ចុះដកហូតដី ប្រជាពលរដ្ឋកាត់ទន្ទ្រានយកដីសហគមន៍ ព្រៃឈើអូរដារ ធ្វើជាកម្មសិទ្ធិដែលមានវត្តមានអ្នកចូលរួម លោក ប៉ាង ផានិត លោក ឈិន ណាវិន មន្ត្រីរដ្ឋបាលព្រៃឈើថ្នាក់ជាតិ អ្នកអនុវត្តគម្រោងអង្គការ អាយធី ធីអូ/lTTO (២រូប) លោក ម៉ែន វុទ្ធី មន្ត្រី រដ្ឋបាលព្រៃឈើសង្កាត់ថ្មគ្រែ (១រូប) លោក ភួន សុភា ក្រុមប្រឹក្សា ឃុំកុលាប(១រូប) លោក ទូច ឡាំ ក្រុមប្រឹក្សាឃុំចង្ក្រង់ (១រូប)អាជ្ញាធរភូមិចង្ក្រង់ (១រូប) អាជ្ញាធរភូមិភ្នំដែក ភ្លើង(១រូប)អាជ្ញាធរភូមិកសាង(១រូប)អាជ្ញាធរភូមិច្រវ៉ាកោះដាច់(១រូប)គណៈកម្មការសហគមន៍ព្រៃឈើ អូដាចំនួន (១០ រូប)កម្លាំងប្រជាការពារឃុំចង្ក្រង់(៧រូប)សរុប( ២៧រូប)

ដោយមានការដឹកនាំពីលោក ប៉ាង ផានិត នឹងលោក ឈិន ណាវិន មន្ត្រីរដ្ឋបាលព្រៃឈើថ្នាក់ជាតិ និង មន្ត្រី រដ្ឋបាលព្រៃឈើសង្កាត់ថ្មគ្រែ ព្រមទាំងអាជ្ញាធរ.ឃុំចង្ក្រង់ និង.ឃុំគោលាប .ធ្វើការដកហូតលើផ្ទៃដីចំនួន (២១) ហិចតា) ពីឈ្មោះ. ឡុង ឡាយ. និងឈ្មោះ. អង់ ស៊ីណា. ត្រូវជាកូនរបស់លោក .សួនអង្គ.មេភូមិច្រវ៉ា កោះដាច់.និងបានទុកអោយអាស្រ័យផលចំនួន ៦ ហិចតា និងកំណត់ឲ្យអនុវត្តតាមកិច្ចសន្យា ស្ដីពី ការប្រើ ប្រាស់អាស្រ័យផលដីព្រៃសហគមន៍អូរដារអោយស្របតាមលក្ខន្តិកៈដែលបានកំណត់ទោសទាន់និងច្បាប់ស្ដីពីព្រៃឈើ។

ពីស្រុកចិត្តបុរីបានឲ្យដឹងថា.បញ្ហាបទល្មើសពលរដ្ឋចូលកាប់ទន្ទ្រានយកដីព្រៃសហគមន៍ធ្វើជាកម្មសិទ្ធិនិងបទល្មើសការកាត់យកផលឈើធ្វើឡធ្យូងនៅតែកើតមានស្ទើរតែគ្រប់សហគមន៍ទូទាំងខេត្តក្រចេះ។ និងបាន ស្នើសុំទៅអោយថ្នាក់ដឹកនាំភូមិឃុំស្រុកខេត្តនិងមន្ត្រីជំនាញនិងអង្គការដៃគូអភិវឌ្ឍន៍លើវិស័យព្រៃឈើដែលពាក់ព័ន្ធជួយមានវិធានការទប់ស្កាត់សកម្មភាពកាត់ទន្ទ្រានរើរានអនាធិបតេយ្យនៅតាមតំបន់សហគមន៍ព្រៃឈើដើម្បីភាពគង់វង្សប្រើប្រាស់លក្ខណៈប្រពៃណីតាមទម្លៀមទម្លាប់សហគមន៍ស្របតាមប្រសាសន៍សម្ដេចអគ្គមហាសេនាធិបតីតេជោហ៊ុនសែនផ្ដាំផ្ញើទៅដល់ថ្នាក់ដឹកនាំភូមិឃុំស្រុកខេត្តនីមួយៗសូមបង្កើតព្រៃសហគមន៍នៅតាមមូលដ្ឋានដើម្បីទុក្ខសម្រាប់ឲ្យប្រជាពលរដ្ឋរស់នៅក្នុងសហគមន៍ប្រើប្រាស់ទទួលយកផលដើម្បីកាត់បន្ថយភាពក្រីក្រជូនប្រជាពលរដ្ឋផងដែរ។