ពិតជាចម្លែកពេកហើយ រឿងរាវដដែលៗ ក្លាយជាទម្លាប់ទៅហើយដែលទឹកដីខេត្តក្រចេះទាំងមូលក្លាយទៅជា និគមន៍ប្រមូលផ្តុំ នៃបទល្មើសព្រៃឈើគ្រប់រូបភាពគ្រប់មធ្យោបាយ មិនថាតាមផ្លូវទឹកផ្លូវគោកនោះទេហើយ ឈ្មួញធំៗជាច្រើននាក់ក៏ហាក់មិនក្រែងញញើតច្បាប់សោះឡើយ ។ ជាក់ស្តែងឈ្មួញដ៍ល្បីជើងខ្លាំងប្រចាំស្រុក ចិត្របុរីជាពិសេស អាចហៅបានថាជើងកាងផ្តាច់មុខផ្លូវ ១០៥ តែម្តង ឈ្មួញម្នាក់ឈ្មោះ ដា ល្បីល្បាញខាង គំរាមកំហែងបំបាក់ស្មារតីអ្នកសារព័ត៍មាន បើតាមដឹងអាចថា អាងឪពុកជាអធិការរងម្នាក់ ក្នុងស្រុកចិត្តបុរី ហើយមើលទៅ ។

ពិតជាមិនធម្ម្មតាមែនកណ្តាលថ្ងៃចែស ម៉ោង ១១ ថ្ងៃទី១ ខែធ្នូ ឆ្នាំ២០២២ នេះ នៅភូមិទ្រាប ឃុំថ្មី ស្រុក ចិត្របុរី ខេត្តក្រចេះ ឈ្មួញជើងខ្លាំងឈ្មោះ ដា ម្នាក់នេះលើកឈើដាក់ឡានឲ្យយ៉ាងរំភើយដោយពុំមានជំ នាញពាក់ព័ន្ធណាមួយមើលឃើញសោះឡើយហើយក៏គួរអោយចម្លែកណាស់ដែរ រាល់ពេលឈ្មួញម្នាក់នេះ ធ្វើរឿងនេះម្តងៗ ជំនាញពាក់ព័ន្ធតែងតែខលមិនចូលរាល់ដង វាហាក់បីដូចជាមានការណាត់គ្នាទុកជាមុន រួចហើយ ។

មជ្ឈដ្ឋានទូទៅនៅក្នុងទឹកដីស្រុកចិត្តបុរីនេះចង់ឃើញ លោកឃ្លាំងរ័ត្ន រដ្ឋបាលព្រៃឈើស្រុកចិត្របុរី បញ្ចេញ កណ្ដាប់ដៃម្ដងមើល ហើយក៏ដើម្បីជៀសវាងការរិះគន់ចំៗថា លោកអាចនឹងទទួលសំណែនសំណូក ពី ឈ្មួញជើងខ្លាំងម្នាក់នេះ ទើបមិនមានការបង្ក្រាបបែបនេះ.ឬ មួយក៍អាចថា មកពីយល់យោគ លោកអធិការ រងដែលជាឪពុក លោកដា នេះឬយ៉ាងណា ?

ហើយក៏សំណូមពរដល់លោកអភិបាលស្រុកចិត្តបុរី ជួយមានវិធានការចំពោះឈ្មួញជើងខ្លាំងម្នាក់នេះផង ទាន ពីព្រោះថា បទល្មើសនេះកើតក្នុងដែន គ្រប់គ្រងរបស់លោកដូចជាសំបូរបែប និងរីកដូចផ្សិតខ្លាំងពេក ណាស់ហើយ ៕