ក្លាយជាការមន្ទិលសង្ស័យ និងងឿនឆ្ងល់យ៉ាងខ្លាំងចំពោះរូបលោក អុីម សុខលីម ដែលជាមន្ត្រីមេប៉ុស្តិ៍ច្រកទ្វារភាគី កម្ពុជា-វៀតណាម ជ័យឃ្លាំង ក៏ដូចជាប្រធានស្នាក់ការគយប្រចាំច្រកជ័យឃ្លាំង រួមទាំងគយចល័តក៏ដូចជាមន្ត្រីសមត្ថ កិច្ចពាក់ព័ន្ធផ្សេងៗទៀត គេមិនដឹងថា តើអស់លោកទៅណាបាត់អស់ ឬមួយក៏រូបអស់លោកបានទទួលលាភ សក្ការៈដ៏សន្ធឹកសន្ធាប់ពីក្រុមឈ្នួតជនជាតិវៀតណាមយ៉ាងណានោះទេ ប៉ុន្តែសកម្មភាពចំណាត់ការត្រួតពិនិត្យ អស់លោកនៅលើដងផ្លូវ គឺហាក់បានស្ងាត់ចម្លែកពេកណាស់ ធ្វើឲ្យផ្ទុះនូវការរិៈគន់ និងសង្ស័យពីសំណាក់ពលរដ្ឋ ជាច្រើនថា អាចនឹងមានសកម្មភាពប្រព្រឹត្តអំពើពុករលួយ ជារូបភាពមាន់ពងលើស្រូវចាំបាច់ត្រូវតែស៊ីស្រូវហើយ មើលទៅ បានជាសមត្ថកិច្ចមួយចំនួននោះស្ងាត់ស្ងៀម លួចបើកដៃឱ្យក្រុមឈ្មួញជនជាតិវៀតណាម ចូលមកប្រ មូលទិញ និងដឹងជញ្ជូនជ័រឆៅរាប់ម៉ឺនលិត្រក្នុងមួយថ្ងៃៗ ដែលស្ថិតនៅក្នុងភូមិសាស្ត្រ ឃុំក្រញូងសែនជ័យ ស្រុកស្នួល ខេត្តក្រចេះ តាមច្រកទ្វារភាគីកម្ពុជា-វៀតណាម ជ័យឃ្លាំង គេសង្ស័យអស់លោកទាំងនោះសង្ងំសុខដើម្បីធ្វើមានធ្វើ បានហើយមើលទៅ ។

សេចក្តីរាយការណ៍បានឲ្យដឹងថា មួយរយ:ពេលថ្មីនេះ គេឃើញមានឈ្មួញជនជាតិវៀតណាម បាននាំយករថយន្ត របស់ពួកគេចំនួន៣គ្រឿង មកដឹកជញ្ជូនជ័រឆៅ ដោយពួកគេ ប្រមូលទិញនៅចំណុច គីឡូម៉ែត្រ107 -105 -កាបី-និងការ៉េ៩ ។ ក្នុងនោះ រថយន្តរបស់វៀតណាមទាំងនោះពុំមានពាក់ស្លាកលេខនោះទេ និងមានកម្មករជា ជនជាតិ វៀតណាម ជាច្រើននាក់ទៀតផង ។

ប្រជាពលរដ្ឋ អំពាវគ្នាតាមរយៈសារព័ត៌មាន អាស្រ័យហេតុនេះហើយ ស្នើសូមអាជ្ញាធរមានសមត្ថកិច្ច ជាពិសេស អភិបាល នៃគណៈអភិបាលខេត្តក្រចេះ សូមពិនិត្យមើលគយខេត្តគយចល័ត និងអាជ្ញាធរពាក់ព័ន្ធផ្សេងៗទៀតក្នុង មូលដ្ឋាន ធ្វើយ៉ាងណាជួយរឹតបន្តឹងដល់មន្ត្រីថ្នាក់ក្រោមឱវាទលុបបំបាត់នូវរាល់អំពើពុករលួយ។

សូមបញ្ជាក់ថា នេះជាប្រភពស្នើសុំរបស់ប្រជាពលរដ្ឋ សុំឲ្យកម្មវិធីផ្សាយយើងជួយចែករំលែកជូនថ្នាក់ដឹកនាំជ្រាប ដើម្បីកែលំអរសង្គម រាល់សាម៉ីស្ថាប័នទាំងឡាយណា ដែលអះអាងថា ព័ត៌មាននេះមិនសុក្រិតសម្រាប់ខ្លួន អាចទំ នាក់ទំនងមកការិយាល័យនិពន្ធយើងបាន នៅរៀងរាល់ម៉ោងធ្វើការ ៕